Тоҷикӣ
Русский 
English 
Маҷлиси тантанави бахшида ба 31-умин солгарди Рӯзи қабули Конститутсияи Ҷумҳурии Тоҷикистон дар Институт
3 ноябри соли 2025 – Дар Институти масъалаҳои об, гидроэнергетика ва экологияи АМИТ бо иштироки кормандон ва муҳаққиқони ҷавон, маҷлиси тантанавӣ бахшида ба 31-умин солгарди Рӯзи қабули Конститутсияи Ҷумҳурии Тоҷикистон баргузор гардид.
Муовини директор оид ба илм ва таълим, Алиев Фирдавс, зимни суханронӣ табрикоти самимии худро аз номи директори институт Гулаҳмадзода Аминҷон ба иштирокчиёни чорабинӣ расонида, қайд намуд, ки 31 сол қабл, 6 ноябри соли 1994, мардуми Тоҷикистон, бо вуҷуди мушкилоти сиёсиву иҷтимоии рӯз, бо рӯҳияи умед ва боварӣ ба иқтидор ва маҳорати фарзона, Пешвои миллат, Эмомалӣ Раҳмон, дар як раъйдиҳии умумихалқӣ Конститутсияро қабул карданд ва ба ин васила сарнавишти худро муайян намуданд.
Конститутсия Тоҷикистонро ба унвони як давлате соҳибихтиёр, демократӣ, ҳуқуқбунёд ва дунявӣ муаррифӣ кард, забон ва рамзҳои давлатии кишварро таъриф намуд ва ҳуқуқу озодии инсон ва шаҳрвандро ҳамчун арзиши олӣ шеносоиид. Он халқи кишварро ҳамчун манбаъи ягонаи ҳокимияти давлатӣ эътироф намуд.
Дар чорабинӣ профессорон ва муҳаққиқони варзида доир ба арзишҳои конститутсионӣ, пояҳои ҳуқуқии пешрафти ҷомеа ва аҳамияти риояи меъёрҳои асосии қонун суханронӣ намуда, фикрҳои пурмазмун баён карданд.
Бо ифтихор таъкид гардид, ки кормандони Институт бо дарки масъулияти баланд ва эҳтиром ба волояти қонун дар таҳқиқи масоили муҳими соҳа ва татбиқи самтҳои сиёсати давлатии илм ва таҳқиқот саҳми арзанда мегузоранд.
Конститутсия ҳамчун санади сарнавиштсоз ва меъёри асосии ҳуқуқии давлату ҷомеа, яке аз муҳимтарин дастовардҳои даврони соҳибистиқлолии кишвар маҳсуб ёфта, нақши калидӣ дар рушди давлатдории демократӣ, таъмини ҳуқуқу озодиҳои инсон ва шаҳрванд ва таҳкими сулҳу субботи миллӣ дорад.
