Арзёбии метеорологию экологии ташаббусҳои ҷаҳонии Пешвои миллат дар соҳаи обу иқлим

  Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арсаи ҷаҳонӣ ҳамчун ташаббускори ғояҳои башардӯстона ва ҳамгироёнаи масъалаҳои обу иқлим ва ҳифзи муҳити зист эътироф гардидаанд ва дар заминаи ташаббусу пешниҳодоти Президенти Ҷумҳурии Тоҷикистон Созмони Милали Муттаҳид чордаҳ қатънома қабул кардааст. Аз ин рӯ, дар ин китоб ташаббусҳои байналмилалии Тоҷикистон марбут ба захираҳои об, тағйирёбии иқлим, ҳифзи пиряхҳо, рушди устувор ва мушкилоти экологӣ дар асоси далел ва қонунияти метеорологӣ, климатологӣ, гидрологӣ ва глятсиологӣ таҳлил ва арзёбӣ гардиданд.

Мушкилоти тағйирёбии иқлим: назарҳо оид ба сабабҳо, пайомадҳо ва равишҳои мутобиқшавӣ

   Дар монография муҳимтарин масоили марбут ба тағйирёбии иқлим, гармшавии глобалии иқлим, таъсири партови газҳои гулхонаӣ ба системаи иқлимӣ, омилҳои таҳрикдиҳандаи тағйирёбии иқлим, дурнамову пайомадҳои тағйирёбии иқлим, мутобиқшавӣ ба равандҳои тағйирёбии иқлим, гузариш ба иқтисоди сабз дар шароити тағйирёбии иқлим, таъсири буҳрони экологии Арал ба иқлими минтақа ва ғайра баррасӣ гардида, инчунин татбиқи ҳадафҳои меҳварии ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон, нақши Тоҷикистон дар ҳалли масоили ҷаҳонии обу иқлим, иҷрои уҳдадориҳои кишвар дар назди ҳуҷҷатҳои байналмилалии экологӣ аз дидгоҳҳои гуногуни илмӣ таҳлил карда шудаанд.

Захираҳои об, инноватсия, захира ва энергиясарфанамоӣ

  Дар маҷмӯаи гузоришҳои Конференсияи байналмилалии илмӣ-амалии «Захираҳои об, инноватсия, захира ва энергиясарфанамоӣ» маводҳо дар самтҳои муҳимми зерин пешниҳод карда мешаванд усулҳои инноватсионии истифодаи захираҳои об, истифодаи маҷмаавии захираҳои об дар шароити тағйирёбии иқлим, гидроэкология, гидрохимия ва сифати об, рушди устувор ва иқтисоди сабз, иншоотҳои гидротехникӣ ва сохтмон, дурнамои рушди гидроэнергетика ва истифодаи манбаъҳои барқароршавандаи энергия, энергетика, захира- ва энергиясарфанамоӣ, аҳамияти рекреатсионӣ, сайёҳӣ ва табобатии обҳои ноҳияҳои кӯҳсор, масоили об ва барқтаъминкунии таъминкунии шаҳру деҳот дар шароити кӯҳсор ва баланд бардоштани иқтидори илмӣ ва таълимӣ дар бахши хоҷагии об.

Ташаббусҳои Тоҷикистон вобаста ба масоили об ва таъмини ҳадафҳои рушди устувор

Эҳдо ба 20-солагии таъсиси Институти масъалаҳои об, гидроэнергетика ва

экологияи Академияи миллии илмҳои Тоҷикистон.

 Ҷумҳурии Тоҷикистон аз рӯзҳои аввали соҳибистиқлолӣ таҳти сиёсати хирадмандонаи Пешвои муаззами миллат баҳри ҳалли масъалаҳои глобалӣ, аз ҷумла масоили тамоюлоти раванди тағйирёбии иқлим ва истифодаи оқилонаю самараноки захираҳои обӣ пайваста ҷаҳду талош менамояд.