Аттестатсия масъулиятро меафзояд

  Дар асоси «Оиннома»-и Академияи миллии илмҳои Тоҷикистон ва Институти масъалаҳои об, гидроэнергетика ва экологияи АМИТ, санаи 24 январи соли 2022 дар институти мазкур, таҳти раёсати директори он Амирзода О.Ҳ. аттестатсияи докторантони (PhD) курсҳои 2 ва 3 баргузор гардид.

Ҷаласаи умумии солонаи Академияи миллии илмҳои Тоҷикистон

  5 январи соли 2022 дар маҷлисгоҳи Академияи миллии илмҳои Тоҷикистон маҷлиси умумии солонаи Академияи миллии илмҳои Тоҷикистон бо иштироки аъзои Академияи миллии илмҳои Тоҷикистон, роҳбарони муассисаҳои илмию тадқиқотии АМИТ, мушовири бахши Ёрдамчии Президенти Ҷумҳурии Тоҷикистон оид ба масъалаҳои иҷтимоӣ ва робита бо ҷомеа М.Абдуллозода, намояндагони вазорату идораҳои дахлдор ва намояндагони воситаҳои ахбори ватанӣ доир гардид, ки дар он гузориши президенти АМИТ Ф. Раҳимӣ оид ба натиҷаҳои асосии фаъолияти илмӣ ва илмиву ташкилии Академияи миллии илмҳои Тоҷикистон дар соли 2021 ва вазифаҳо барои соли 2022 мавриди баррасӣ, муҳокима ва тасдиқ қарор гирифт.

Рушди устувор дар пешорӯи устуворгардии саноат

  Санаи 30.12.2021 дар Институти масъалаҳои об, гидроэнергетика ва экологияи Академияи миллии илмҳои Тоҷикистон ҷаласаи ҷамъбастии ташкилоти ибтидоии «Рушди устувор»-и Ҳизби Халқии Демократии Тоҷикистон дар Институти мазкур баргузор гардид.

  Ҷаласаро директори Институт Амирзода Ориф Ҳамид ифтитоҳ намуда, фаъолияти аъзои ҳизбро дар рушди ҳамаҷонибаи кишвар иқрор намуд.

Баррасии масоили умумӣ ва арзёбии инфрасохтори соҳаи об  

  Бахшида ба 30-солагии Истиқлоли давлатии Ҷумҳурии Тоҷикистон монографияи дастаҷамъонаи ходимони илмии Институти масъалаҳои об, гидротехника ва экологияи Академияи миллии илмҳои Тоҷикистон таҳти унвони «Водохозяйственная инфраструктура в общей системе управления водными ресурсами» («Инфрасохтори хоҷагии об дар системаи умумии идоракунии захираҳои об») ба нашр расид. Монографияи мазкур дар ҳаҷми 172 саҳифа таълиф гардида, аз сарсухан ва 5 боб иборат мебошад. Рӯйхати сарчашмаҳои истифодашудаи ҳар боб дар интиҳои он нишон дода шудаанд.