Навидҳо

Якшанбе, 03 Май 2026

Китоби «Арзёбии метеорологию экологии ташаббусҳои ҷаҳонии Пешвои миллат дар соҳаи обу иқлим» ба нашр расид

Дар робита ба омӯзишу пажӯҳиш ва тарғибу ташвиқи мавзуъҳои марбут ба ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон дар соҳаҳои захираҳои об, тағйирёбии иқлим, ҳифзи пиряхҳо ва дигар мушкилоти экологӣ таҳти унвони «Арзёбии метеорологию экологии ташаббусҳои ҷаҳонии Пешвои миллат дар соҳаи обу иқлим» китоби нави мудири озмоишгоҳи моделкунонии захираҳои об ва равандҳои иқлими Институти масъалаҳои об, гидроэнергетика ва экологияи Академияи миллии илмҳои Тоҷикистон, номзади илмҳои техникӣ, дотсент Номвар Қурбон ба нашр расид.

Муфассал...

Якшанбе, 03 Май 2026

Тақвияти ҳамкориҳои байналмилалӣ

Институти масъалаҳои об, гидроэнергетика ва экологияи Академияи миллии илмҳои Тоҷикистон густариши ҳамкориҳои илмӣ ва таълимиро бо шарикони минтақавӣ идома медиҳад.

Дар доираи рушди ҳамкориҳои байналмилалӣ мулоқоти корӣ бо намояндагони Донишгоҳи политехникии Ҷизах баргузор гардид, ки ба таҳкими ҳамкориҳо дар самти таҳқиқоти илмӣ, табодули академӣ ва омодасозии кадрҳо равона шудааст. Муфассал...

Душанбе, 27 Апрел 2026

Нақши агрегати ҳафтуми НБО-и Норак дар баланд бардоштани иқтидори истеҳсолӣ ва таҳкими истиқлоли энергетикӣ

Саҳми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди соҳаи энергетика ҳамчун яке аз омилҳои калидии таъмини истиқлоли энергетикӣ ва пешрафти иқтисодии кишвар муҳим ва арзишманд арзёбӣ мегардад. Дар шароите, ки пас аз ба даст овардани истиқлол, кишвар бо норасоии ҷиддии неруи барқ рӯ ба рӯ гардид.

Сиёсати пайгирона ва дурбинонаи Пешвои миллат ба рушди гидроэнергетикаи кишвар заминаи устувор гузошт. Дар ин замина, татбиқи лоиҳаҳои бузург, аз ҷумла таҷдид ва навсозии Неругоҳи барқи обии Норак ва сохтмони Неругоҳи барқи обии Роғун, ба самти афзалиятнок табдил ёфт. Ин иқдомҳо барои афзоиши иқтидори истеҳсол, коҳиши вобастагӣ аз манбаъҳои беруна ва таъмини рушди устувори иқтисоди миллӣ мусоидат намуданд. Муфассал...

Панҷшанбе, 16 Апрел 2026

Ҷаласаи аввали Мизи мудаввар оид ба идоракунии обҳои зеризаминӣ дар Душанбе баргузор гардид.

16 апрели соли 2026 дар Душанбе аввалин ҷаласаи Мизи мудаввар оид ба идоракунии обҳои зеризаминӣ баргузор гардид. Он аз ҷониби Институти масъалаҳои об, гидроэнергетика ва экологияи Академияи миллии илмҳои Тоҷикистон дар доираи лоиҳаи "Идоракунии обҳои зеризаминӣ дар вилояти Суғд" ташкил карда шуд. Ҷаласа, ки таҳти раёсати директори Институт баргузор гардид, ҳамчун чорабинии муҳим барои муколамаи байниидоравӣ ва байналмилалӣ, ки ба таҳияи равишҳои ҳамоҳангшуда дар идоракунии захираҳои обҳои зеризаминӣ нигаронида шудааст, хизмат кард.